سوشل میڈیا پر یہ خبریں گردش کر رہی ہیں کہ معروف اداکارہ مومنہ اقبال جلد شادی کے بندھن میں بندھ سکتی ہیں۔
دعویٰ کیا جا رہا ہے کہ ان کی قریبی محفلوں میں شادی کے دعوت نامے بھی پہنچنا شروع ہو گئے ہیں، تاہم دولہا کے بارے میں ابھی زیادہ تفصیلات سامنے نہیں آئیں، البتہ بتایا جا رہا ہے کہ ان کا تعلق شوبز انڈسٹری سے نہیں ہے۔
افواہوں کے مطابق مومنہ اقبال اپنی شادی کی تصاویر خود شیئر کریں گی، جس کے بعد ہی مکمل تفصیلات سامنے آئیں گی۔
اداکارہ کے مداحوں نے ان خبروں پر خوشی کا اظہار کرتے ہوئے ابھی سے انہیں نیک خواہشات اور مبارکباد دینا شروع کر دی ہے۔