رمضان سے پہلے بلوچستان میں آٹے کی قیمتوں میں تیزی

بلوچستان میں رمضان المبارک سے قبل آٹے کی قیمتوں میں نمایاں اضافہ دیکھنے میں آ رہا ہے، جہاں فی کلو آٹا 150 روپے تک پہنچ گیا ہے جبکہ 20 کلو کا تھیلا 3 سے ساڑھے 3 ہزار روپے میں فروخت ہو رہا ہے۔
فلور ملز مالکان کا کہنا ہے کہ نئی گندم کی فصل آنے تک قیمتیں کم ہونے کا امکان نہیں اور سندھ و پنجاب سے ترسیل میں رکاوٹوں کے باعث صوبے میں قلت پیدا ہو گئی ہے۔ محکمہ خوراک کی جانب سے خریداری بند ہونے پر رمضان کے دوران مزید بحران کا خدشہ ظاہر کیا جا رہا ہے۔
شہریوں نے حکومت سے مطالبہ کیا ہے کہ آٹے کی فراہمی یقینی بنا کر قیمتوں کو قابو میں رکھا جائے۔