امریکی صدر ڈونلڈ ٹرمپ نے ایران کے نئے سپریم لیڈر مجتبیٰ خامنہ ای کے انتخاب پر مایوسی کا اظہار کرتے ہوئے کہا ہے کہ ایسی قیادت خطے میں استحکام کے لیے مثبت قدم نہیں سمجھی جا سکتی۔
میڈیا سے گفتگو میں ٹرمپ کا کہنا تھا کہ ایران کے خلاف امریکی فوجی کارروائیوں کے بعد تہران کے پاس امریکا، اسرائیل اور ان کے اتحادیوں کے خلاف استعمال کے لیے مؤثر ہتھیار طویل عرصے تک باقی نہیں رہیں گے۔
اس سے قبل ٹرمپ نے مجتبیٰ خامنہ ای کی نامزدگی پر کھل کر تبصرہ کرنے سے گریز کیا تھا۔ اسرائیلی میڈیا کے مطابق انہوں نے کہا کہ جنگ کے خاتمے کا فیصلہ وہ اسرائیلی وزیراعظم بنیامین نیتن یاہو کے ساتھ مشاورت سے کریں گے اور اس حوالے سے مناسب وقت پر فیصلہ کیا جائے گا۔