سعودی ولی عہد شہزادہ محمد بن سلمان نے برطانوی شہزادہ ولیم کو ریاض کے تاریخی مقام طریف کا دورہ کرایا۔ طریف جو درعیہ ڈسٹرکٹ کے مرکز میں واقع ہے، یونیسکو کے عالمی ثقافتی ورثے میں شامل ہے اور سعودی عرب کے اہم تاریخی مقامات میں شمار ہوتا ہے۔
دورے کے دوران شہزادہ ولیم نے نجدی طرز تعمیر، پہلی سعودی ریاست کے اماموں اور شہزادوں کے محلات کا مشاہدہ کیا اور الدرعیہ ماسٹر پلان پر پریزنٹیشن بھی دیکھی۔ یہ دورہ ان کے سعودی عرب کے پہلے سرکاری دورے کے دوران ہوا، جس پر ریاض کے کنگ خالد انٹرنیشنل ایئرپورٹ پر نائب گورنر شہزادہ محمد بن عبدالرحمن نے ان کا استقبال کیا۔
سعودی ولی عہد نے شہزادہ ولیم کو تاریخی طریف کی سیر کرائی
