بلوچستان میں سرکاری گاڑیوں سے متعلق رپورٹ میں انکشاف ہوا ہے کہ 3762 گاڑیوں کا ریکارڈ دستیاب نہیں۔
محکمہ ایکسائز کی رپورٹ کے مطابق مجموعی طور پر 14304 گاڑیاں رجسٹرڈ ہیں، تاہم تصدیقی عمل میں ہزاروں گاڑیوں کی موجودگی کی تصدیق نہیں ہو سکی۔ مختلف محکموں، جن میں زراعت، پولیس، صحت اور تعلیم شامل ہیں، کی بڑی تعداد میں گاڑیوں کا کوئی سراغ نہیں ملا۔
وزیراعلیٰ بلوچستان سرفراز بگٹی نے معاملے کی تحقیقات کے لیے تین رکنی کمیٹی قائم کر دی ہے، جو گمشدہ گاڑیوں کی تفصیلات اور ذمہ داران کا تعین کرے گی۔