امریکی محکمۂ دفاع نے اسرائیل سے متعلق جاسوسی کے خدشات کی درجہ بندی بڑھا دی ہے۔ امریکی میڈیا رپورٹس کے مطابق ایران کے حوالے سے جاری سفارتی کوششوں اور مذاکراتی سرگرمیوں سے متعلق معلومات حاصل کرنے کی مبینہ کوششوں پر تشویش پائی جا رہی ہے۔
دوسری جانب اسرائیل نے تمام الزامات مسترد کرتے ہوئے کہا ہے کہ وہ امریکی حکام کے خلاف کسی قسم کی جاسوسی میں ملوث نہیں۔ تجزیہ کاروں کے مطابق ایران کے معاملے پر دونوں اتحادی ممالک کے مؤقف میں اختلافات بڑھ رہے ہیں، جس کے باعث خطے کی سفارتی صورتحال مزید اہمیت اختیار کر گئی ہے۔