وزیرِ اعظم شہباز شریف نے متحدہ عرب امارات کی ایک بندرگاہ پر میزائل حملے میں پاکستانیوں سمیت دیگر افراد کے زخمی ہونے پر تشویش کا اظہار کیا ہے۔
اپنے بیان میں انہوں نے زخمیوں کی جلد صحت یابی کی دعا کرتے ہوئے کہا کہ پاکستان اس مشکل وقت میں یو اے ای کے عوام کے ساتھ کھڑا ہے۔
وزیرِ اعظم کا مزید کہنا تھا کہ پاکستانی شہریوں کی ہر ممکن مدد کے لیے حکام یو اے ای انتظامیہ سے مسلسل رابطے میں ہیں، جبکہ انہوں نے خطے میں کشیدگی کم کرنے کے لیے صبر و تحمل کی ضرورت پر بھی زور دیا۔