حج 2026: سعودی عرب کا سڑکوں اور ٹرانسپورٹ نظام اپ گریڈ کرنے کا بڑا منصوبہ

سعودی عرب نے حج کے دوران عازمین کی سہولت اور محفوظ نقل و حرکت کے لیے اپنے نیشنل روڈ نیٹ ورک کو جدید بنانے کا وسیع منصوبہ شروع کر دیا ہے۔ سعودی وزارت ٹرانسپورٹ و لاجسٹک سروسز کے مطابق سڑکوں کی نگرانی اور بہتری کے لیے جدید ٹیکنالوجی پر مبنی بڑا نظام تیار کیا جا رہا ہے۔
اس منصوبے کے تحت ہائی ٹیک سروے سسٹم سڑکوں کی معمولی خرابیوں تک کی نشاندہی کرے گا تاکہ مرمت فوری طور پر ممکن ہو سکے۔ حکام کا کہنا ہے کہ اس کا مقصد حج سیزن میں ٹرانسپورٹ کو زیادہ محفوظ اور مؤثر بنانا ہے۔
حج 2026 کے لیے فضائی، ریل، زمینی اور بحری ٹرانسپورٹ میں بھی بڑے پیمانے پر انتظامات کیے جا رہے ہیں، جن کے تحت لاکھوں عازمین کو سہولت فراہم کی جائے گی۔