سعودی عرب کے قومی موسمیاتی مرکز نے رواں موسم گرما میں درجہ حرارت معمول سے زیادہ رہنے کی پیشگوئی کی ہے۔ رپورٹ کے مطابق جون کو سال کا سب سے گرم مہینہ قرار دیا گیا ہے، جس میں مختلف علاقوں میں درجہ حرارت میں واضح اضافہ متوقع ہے۔
موسمیاتی اعداد و شمار کے مطابق بعض علاقوں میں درجہ حرارت معمول سے ڈیڑھ ڈگری تک بڑھ سکتا ہے جبکہ ماضی کے ریکارڈ میں بعض شہروں میں درجہ حرارت 50 ڈگری سے بھی تجاوز کر چکا ہے۔ حکام نے شہریوں کو شدید گرمی کے دوران احتیاطی تدابیر اختیار کرنے کی ہدایت کی ہے۔