ایران کے وزیرِ ثقافت رضا صالح امیری نے کہا ہے کہ تاریخی مقامات پر حملے دراصل ایرانی شناخت اور تاریخ پر حملہ ہیں۔
ان کے مطابق حالیہ کارروائیوں میں تقریباً 56 ثقافتی اور تاریخی مقامات کو نقصان پہنچا، جسے انہوں نے قوم کی یادداشت پر حملہ قرار دیا۔
انہوں نے خبردار کیا کہ کئی نوادر ہمیشہ کے لیے ضائع ہو چکے ہیں اور بحالی کے باوجود انہیں اصل حالت میں واپس لانا ممکن نہیں، جبکہ گلستان پیلس کی مرمت میں کم از کم دو سال لگ سکتے ہیں۔
وزیرِ ثقافت نے عالمی برادری اور یونیسکو کی خاموشی پر بھی تنقید کرتے ہوئے کہا کہ تاریخی ورثے کے تحفظ کے لیے مؤثر اقدامات ضروری ہیں۔