افغانستان کے صوبہ کنڑ اور ننگرہار میں 6 شدت کے زلزلے نے تباہی مچادی، جاں بحق افراد کی تعداد 622 جبکہ زخمیوں کی تعداد 1000 سے تجاوز کر گئی۔
امریکی جیولوجیکل سروے کے مطابق زلزلے کا مرکز جلال آباد سے 27 کلومیٹر مشرق میں اور گہرائی 8 کلومیٹر تھی۔ سب سے زیادہ متاثرہ اضلاع نور گل، سوکی، وٹ پور، مانوگی اور چپہ درہ ہیں۔
ترجمان طالبان ذبیح اللّٰہ مجاہد نے تصدیق کی کہ جانی و مالی نقصان بہت زیادہ ہے اور امدادی ٹیمیں متاثرہ علاقوں میں ریسکیو سرگرمیوں میں مصروف ہیں۔